Haqqımızda

Heybə, Azərbaycanın gözəl bölgələrindən əldə edilən yerli və xarici çayların, eləcə də bal satışını həyata keçirən Azərbaycan brendidir. Arıçılıq köhnə və məsuliyyətli bir peşədir. Arıların fəaliyyəti olduqca keşməkeşli proseslərdir. Bu proses fevral ayının sonlarına doğru, havaların isinməsi və arıların oyanması ilə başlayır və havalar soyuyana qədər davam edir. Arılarımız qışlamaq üçün Ağsu rayonundadır. Növbəti mərhələdə arılarımız müvafiq olaraq Şamaxı, İsmayıllı, Kəlbəcər və Laçın rayonlarına köç edirlər. Buradakı dağ və çəmən çiçəkləri ilə qidalanan arılarımız müxtəlif bitkilərdən nektar yığaraq bu bölgələrdən təmiz və təbii bal əldə edirlər. Məhsullarımızı gigiyena qaydalarına uyğun olaraq, kolleksiya və qablaşdırma zamanı həmişə təbiiliyini qoruyaraq istehlakçılara təqdim etmək əsas prinsiplərimizdəndir. Müxtəlif növ və dadlarda təklif etdiyimiz çaylarımız dünyanın müxtəlif ölkələrindən (Çin, Hindistan, Yaponiya, Keniya, Vyetnam) gətirilir və saxlama qaydalarına uyğun olaraq Azərbaycanda qablaşdırılır.