1.       Yaşıl çayın dəmləmə qaydası

Çay dəmləmək nə qədər bəsit görünsə də, hətta demək olar ki o xüsusi bir sənətdir. İlk növbədə istənilən dad və aromanı almaq üçün əsas olaraq suyun temperaturunu düzgün uyğunlaşdırmaq lazımdır. Mükəmməl bir fincan çay sadəcə çay yarpaqlarının üzərinə qaynar su tökməkdən ibarət olacaq qədər bəsit deyil. Yaşıl çay da həmçinin eyni diqqət və ciddi yanaşmaya layiqdir.

Yaşıl çayın bəzi növləri vardır ki onları qaynar su ilə dəmləmək onun bütün dadını və teksturasını dəyişir.

·         Yapon Sencha

Yapon yaşıl çaylarının ən məşhuru olan Sencha yüngül şirin dada malikdir. Dəmlənməsi üçün 30 saniyə kifayət edir. Bundan əlavə olaraq müəyyən dərəcədə soyuq su vasitəsilə də 1-2 dəqiqə dəmləmək olar.

 

·         Çin yaşıl çayları

Bir fincan Çin yaşıl çayını dəmləmək üçün 3 qram yarpaq kifayət edir. Yenidən dəmləmə zamanı isə suyun tempraturunu bir qədər artırmaq olar.

·         Qovrulmuş yaşıl çay

Hojiça kimi qovrulmuş yaşıl çayları dəmləmək çox asandır. Bu növ çaylar digərlərinə nisbətdə daha az kofein və amin turşularına malikdirlər.

·         Jasmin çayı

Təxminən 1-3 dəqiqəyə dəmlənir. Bir qədər soyudulan təzə qaynadılmış su ilə dəmləmək məsləhət görülür.

 

Yaşıl çayı soyuq halda da dəmləmək mümkündür.

1.       Böyük bir şüşə çaydan seçin

2.       1-2 qaşıq çay yarpağı əlavə edin

3.       İlıq və ya soyuq su əlavə edin

4.       Qapağını örtün

5.       Ən azı 3-5 saat boyunca soyuducuda saxlayın

6.       24 saat ərzində istifadə edin

 

Yaşıl çay üçün xüsusi çaydan istifadə etmək lazımdır, çünki o ən zərif çay növlərindən biridir. Qara çay və bitki çaylarının qalıqları yaşıl çayın dadına təsir edə bilər.

 Şüşə qablar zərif çay yarpaqları üçün ideal seçimdir. Digər növ çaydanlar düzgün saxlanmadıqda pis dad verə bilər. Eyni zamanda kağız çay paketlərindən istifadə etmək də çayın təbii ləzzətini itirməsinə gətirib çıxarır. Dəmləmək üçün çayın miqdarı 2-3 qramdan az olmamalıdır və həddindən artıq dəmləndikdə dadı acı və xoşagəlməz olur.

Yaşıl çay digər növ çaylara nisbətdə dadını daha tez itirir. Buna görə də onu hələ isti ikən içmək lazımdır.