Saxta bal adi şəkər tozundan bişirilmiş qatı şərbətdir. Təbii ki burada bitki nektarından istifadə edilmir və bu da orqanizm üçün olduqca zərərlidir. Daimi istifadəsi zamanı insanda şəkər xəstəliyinə yol aça bilir. Bu səbəbdən də biz saxta balı, saf baldan ayırmağın müəyyən üsulları ilə tanış olacağıq:

·         Qoxu vasitəsilə

Keyfiyyətli balın qoxusu burunu qıcıqlandırmadığı halda saxta balın qoxusu müəyyən qıcıqlandırıcı təsir bağışlayır. Bu da tərkibindəki sintetik esens ətirlərindən irəli gəlir.

·         Qaynar su vasitəsilə

Bir qaşıq balı stəkana əlavə edir və üzərinə qaynar su tökürük. Keyfiyyətli bal tez dağılmır və suya tez bir zamanda qarışmır. Saxta bal isə əksinə olaraq suda həll olmağa və qarışmağa başlayır.

·         Qaşıq vasitəsilə

Balı qaşıqla götürəndə də ikisi arasındakı fərqi açıq-aydın görmək olar. Bu zaman nazik tellərin dartılaraq qırılması onun keyfiyyətsizliyinin əlamətidir. Saxta bal dartılanda havada hörümçək toru kimi uçur. Saf bal isə davamsız olaraq qırılmadan axır.

·         Şərbət vasitəsilə

Təbii balla şərbət hazırlananda bulanıqlıq verir, saxta bal isə şəffaf olur.

·         Baş barmaq vasitəsilə

Baş barmağınıza bir damcı bal qoyun. Əgər yayılırsa və ya tökülürsə, o, təbii bal deyildir. Saf bal qalın teksturalıdır və baş barmağınızda toxunulmaz qalacaqdır.

·         Köpük testi

Balın üzərinə 2-3 damcı sirkə əlavə edin və yaxşı qarışdırın. Əgər 2-3 dəqiqə ərzində köpüklənirsə, deməli bu saxta baldır.

·         İstilik testi

Bal təmizdirsə, qızdırıldıqda karamelizə olur. Bununla belə, saxta bal isitmə zamanı qabarcıqlar əmələ gətirir və karamelləşmir.

·         Çörək testi

Təmiz bal çörəyin üzərinə çəkildikdə bir neçə dəqiqə ərzində çörəyi bərkidir. Digər tərəfdən də əgər balın tərkibində başqa əlavələr varsa, çörək dilimi yumşaq və nəmlənmiş qalır.

Eyni zamanda əgər bal uzun müddət qalıb və xarlanmayıbsa deməli saxta baldır.

Bütün bunlarla yanaşı nəticə olaraq qeyd edək ki, əsl bal fabriklərdə deyil, arılardan alınır. Adətən üzvi və təbii bala təmiz bal deyilir. Təbii bal yalnız bal arıları tərəfindən hazırlanır və bu arılar yalnız üzvi şəkildə yetişdirilən çiçəklərlə bəsləndikdə istehsal etdikləri bal üzvi bal kimi təsnif olunur.

Saxta balın tərkibinə nəzər salaq:

1.      Qarğıdalı siropu

2.      Qlükoza

3.      Bəkməz

4.      Şəkər siropu

5.      Dekstroza

6.      İnvert şəkər

7.      Un və ya nişasta və s.